وش سالفة ذاك المساء
ما قلت لك يا صاحبي وش سالفة ذاك المساء
يومك تحسبنّي هنـا وآنـا هنـاك بوحدتـي
:
يوم أرتمي بقاع الوجع واسير في درب الشقاء
يوم آتضايق وأنتخـي ياعزوتـي ياعزوتـي
:
يوم أنكسر وش فادني مافادني كثـر العطـاء
يوم أجني الطيبه غدر كان الوفا هـو بذرتـي
:
يا قلّهم وقت الشقا وياكثرهم وقـت الرخـاء
كب الهقاوي وش بها ياكود خيبـة هقوتـي
:
حتى الهوا فـي جوّهـم والله ماكنّـه هـواء
أتنفّسه ثـم أختنـق وأفتـك منـه بزفرتـي
:
أصيح للغيمه ضما واشوفها توحـي النـداء
من بعدها تمطر تعب لا واحسافـة صيحتـي
:
أيقنت بأن البحر يعكس للبشر وجه السمـاء
مير البلا وجه البشر مايعكـس ألاّ حسرتـي
:
ليه الزمن بـدّل مفاهيـم التآخـي إفتـراء؟
شرهت لكن يازمـن لا مـا تهـزّك شرهتـي
:
صدّقت سن لي ضحك من طيبتـي ياللغبـاء
وأقفيت في ظهري سهم والذنب كانت طيبتـي
:
مدّيت كفّـي لـه وفـا ولاهقيـت الإعتـداء
ياخيبتي من طيبتي مـن طيبتـي ياخيبتـي
:
ولا لا تغرّك ضحكتي ياصاحبي هات الـدواء
هات الدوا ياصاحبـي لا لا تغـرّك ضحكتـي
:
الوقت متعب والبشر زادوا التعب مليـون داء
لذا نويـت أرحـل بعيـد وأستقـر بغربتـي
:
لاضقت سلّيت القلم وندهت باقـي الأوفيـاء
يادلّتي , وياسبحتي , ويادمعتي , وياشمعتي
:
هذا قلمي وذا دفتري ياهاجس إكتب ماتشـاء
بس إنتبـه ياهاجسـي لالا تشـوّه سمعتـي
:
منهو نشد عن وجهتي شاعر ومبداي النقـاء
أغرف من الشعر أعذبه ثم أستمـر بوجهتـي
:
أعتب وكل ظنونهم أخلـق مداخـل للهجـاء
وأحيان ألمّح عن هدف ويفسرونـه عشقتـي
:
يادنيتي ويني ووين الحـب ماحنّـا أصدقـاء
للحين ماعينـي رأت منهـي تنـوّر عتمتـي
:
ماقلت لك يا صاحبي تعبت فـي ذاك المسـاء
يوم أجني الطيبه غدر كان الوفا هـو بذرتـي
|