ذي حالة الدنيا
ويلاه من طبع اليالي والايام
احد تبرا منه واحد اتماشيه
واحد تمر ايام وايام ما نام
سود اليالي عن منامه تقذيه
يطوي على همه ضلوعه وينضام
ولا يشتكي للناس من ما يعانيه
يخاف من هرجة عدو ونمام
يضحك وما في داخل القلب يخفيه
واحد عثر حظه ونوخ ولا قام
لو صاح باعلى الصوت محد بيوحيه
يمضي عليه اليوم في حسبة اعوام
كن الزمن قيد يجود خطاويه
احد ترفرف له ذعاذيع الانسام
وتمشي على كيفه ودايم تباريه
ما عض يوم من الندم راس الابهام
حظه على طول اليالي مصافيه
ولا تعلا طير فكره ولا حام
ولا كفخ من جور خل مجافيه
وذي حالة الدنيا بها حظ واقسام
احد تسومه هم واحد تواسيه
ومن لا عرف طبع اليالي والايام
ان ما تبرت منه عيت تماشيه
|