مشكور ياغايتي وآسف ع ازعاجك
صدقني ماجيتك الاحيل محتاجك
افهم ظروفي وعقب اللى تبي سوه
ماجيتك العب ولا بسبب احراجك
جيتك وانا اشوف كلك طيب ومروه
شي طبيعي تبي تحتاج واحتاجك
طبع البشر كلهم من ادم وحوه
لاكني اشوف همك كيف مخراجك
والله هو اللى يعرف الناس من جوه
مافيه داعي تضيق تعقد احجاجك
الحب وياك توه باوله توه
ان كان في غيبتي راحتك وعلاجك
ابشر ابصبر واصد لخاطر الخوه
وان كان عني نويت اطفي اسراجك
وش ينغبي بالهوي اذا طفت ضوه
مشكور ياغايتي واسف على ازعاجك
مافيه حب يجي بالغصب والقوه
|