ودي اجي من التـعب ثم اضمك
وتشوف أنا وشلون عايش بلياك
قربك عطر ودي من البعد اشمك
أخاف يبرد مابقى لي بذكراك
أبنثرك بعروق قلبي وألمك
واحسسك بالحب في يوم لقياك
باقي معي اغلى هديه تهمك
صورتك كاتب فوقها مقدر انساك
متى يزين الوقت واكون يمك
اقلها اعرف ظروفك ودنياك
ياليتني في انفاس روحك ودمك
ابقى معك وأعيش ألأيام وياك
ياكثر ماني بغربتي شلت همك
أنشد نجوم الليل من عقب فرقاك
عليك اخاف أكثر من أبوك وأمك
والله ماتلقى مثل قلبي أغلاك
ما ارتاح انا من الوله لين أضمك
واعلمك وشلون حالي بلياك