أبكتب مع طلوع الفجر قصة مالها عنوان


وبرسم مع غروب الشمس لوحة من معاناتي


وبجعل لوحتي تحكي زمان ماوراه أزمان


وبرسل في مدى صمتي صياحي وانطق سكاتي


وبمشي وامتلك وقتي واخلي للحياة ألحان


وبنحر حظي العاثر بسيف من قناعاتي


وبرمي من وراء ظهري حلوم طالها نسيان


وبركض قبل ماتاقف حياتي مثل ساعاتي


أبعبر عمري الباقي وأدوس الخوف والحرمان


وبدفن كل أحزاني قبل تنوي ملاقاتي


أبي واحد يساندني ولامثله ابد انسان


حنون لابكت عيني يلملمني من شتاتي


وابيه بعزته يرقا واشوف بعزته بدوان


عزيزٍ ماعرف ذلة بخيلٍ في خساراتي


ابي حبه يغطيني وابيه اقرب من الاعيان


يحس اني انا روحه وهو حبه ملا ذاتي


رسمت بريشتي معنى تحقق في صدى الوجدان


يعرفه والعرب تسمع غموض يسكن أبياتي