لاتسأليني عن اسباب الزعل مدري.....يجوز نفسي على كثر الجفا ارتاحت

او يمكن اني عرفت السر من صغري.....مابالحمامه حزن لو انهـا ناحـت


حتى اتخذت الهجر في مقتبل عمري.....طبيعه راحت الأحبـاب مانزاحـت


ماوالله ابكي ولكن من سنا جمري.....شف ريحة العود لولا الجمر مافاحـت


كم عبره لاغفيت اكنها بصدري.....مير البلا لاقعـدت الصبـح ماراحـت


تكبر معي تدرك المحجر ولا تجري.....من يوصف الدمعه اللي مابعد طاحت


ابقى على حالتي ادري ولا ادري.....لااجتاحت ايام بعض ايـام ماجتاحـت


بس اتركيني انا وعبراتي وعذري.....عايش على ذكريات الغير لا لاحـت


ام انتي ذكراك لايجرح ولا يبري.....لاعين رفت لـه ولا اذن صاحـت