منتديات رهين الشوق - عرض مشاركة واحدة

2015-05-24, 02:44 PM

مايملا عيني ياهوى البال مخلــوق
إلا أنت ..ياللي صرت مني وفينـي

أنا ارتضيتك تطفي الشوق بالشـوق
والأرض مـاعـادت أبـد.. تحتوينـــي

اصحى ترى عشقي غدا دم وعـروق
الحب دمـي وأنت... بينـه وبينـي

بين الفرح والجرح ماشوف أنا فروق
مادامها مــنك ...أبيهــا تجينـــي

خل الليالـي صبـح وأنوار وشــروق
خلـه فرح زاهـي.... يجـدد حنينـي

بناظـر العالـم بنظـرات مـن فــوق
واقـول.. يا أشـواق يـلا اشعلينـــي

ماقـول أنا عاشـق ولا قـول معشـوق
أبيـك أنا .. وأنت جنونـك يبينـــي

كانـه زعل برضيـك والهـم ملحــوق
كانـه رضـى خذنـي وقيـد يدينـــي