كنت أخاف أقول أحبك وأخسر في الهوى حبك


وكنت أخاف أكتمها ويصيح الشوق فيني يحبك


قلتها غصب عني وأحسب اني ربطت حبي بحبك


ليتني ما قلتها عشان أشوف ايش ردة فعل حبك


الحين بكلمـة أحبك خسرت أنا في الهوى حبك


وايش تفيد يا قلبي الحسايف والآهات


وايش تفيد يا قلبي القصايد والأبيات


ما راح أتعب حالي وبالـي بكثر الكلمات


خسرت حبها بكلمة قلتها في لحظات


ما يفيد الندم غير انه يزيد اللوعات


بسألك بالله يا دمعي وش جنيت من الألـم


جاوبني يا دمعي وش لقيت من الآه والنـدم


سبحان مـن ينصر المظلوم خلقنا من العـدم


وانت يا دمعي سبحانه بينصرك خالق القلـم


وايش ذنبك يا دمعي؟ كل ما شكت عيني


تعانق الخـد وتجري الى وين ولا تدري


آه يا عبرتي يا صديقة دمعتي شفتي شلون حالتي؟


السبب كلمتي قلتها على نيتي وبعدها تغيرت حالتي


توقعت تنمحي كربتي وأبدأ معها قصتي وتحلى معها حالتي


بس ياللأسف خسرت حبها بكلمتي وحالتي حاله آه يا حالتي


بعد ما كنت أنا عزيز وغالي صـرت الحين شخص ثاني


مدري هذا دلع من الغالي والا غلط انـي أحب ثاني


صارت يا ناس حالتي حاله صرت انسان فاقد أعصابه


طول اليوم سارح في خياله بس أفكر بعيونه وأهدابه


والله اني محتـاج بس أقابلها ماني مستوعب صدها وقسوة كلامها


ماني مستوعب اني مو فارس أحلامها ليه يا دنيا ليه تعاملينـي بجفا


شمـعة حياتي من هجرها انطفت خسرت حتى حنانـها والدفا


والسبب اني أهديتـها الوفا وقلت لها اني أحبها وخسرت في الهوى حبها


لوما قلت اني أحبها كان كسبت طيبها وقربها