بيانات اضافيه [ + ]

رقم العضوية : 3640  تاريخ التسجيل :  Jan 2013  أخر زيارة : 2019-06-13 (10:05 PM)  المشاركات : 1,735 [ + ]  التقييم :  4930  الدولهـ  الجنس ~  SMS ~

لوني المفضل : Cadetblue

يا متعب القلب قلي وش غلطاتـي
إن كنت أنا أقدر أعدلهـا بعدلها

لا صرت تجهل عنا الدنيا وضيقاتي
من دون ما أشرح لك أوضاعي تأملها

الوقت ضدي حرمني من ملذاتـي
والصد بعدك ذبح روحي وكملهـا

لا لا يغرك كثير الصمت وسكاتي
خل المشاعر تقول الآه وإسألهـا

يسكني الحب واضح من عباراتـي
وش عاد لجلك حروفي لـو أذللها

عذبني الشوق واسرفـت بخيالاتـي
روح ٍ تحبك دخيلك ليه تهملها

يا ليتك شوي تشعـر فـي معاناتـي
دنياك يمكن عليك تضيـق بأكملهـا

الحزن كنه سفيـري فـي علاقاتـي
والهم خيم على حالـي وطولهـا

غديت دربي وتاهت فيـك خطواتـي
كل المواعيد مدري ليـش تجلهـا

سنين أحاول وضاعت كـل حيلاتـي
ما تدري إني حيـاة الـذّل مقبلهـا

لا جيتك أسال وأدور فيـك ضحكاتـي
كنك تعمد بيديـك اليـوم تقتلهـا

لا تترك الظـن يلعـب باحتمالاتـي
الكلمه اللي تحز بخاطـرك قلهـا

تعال شفني وحـس بحـال لوعاتـي
كن الدقايق بدونـك عـام مطولهـا

متى التباشر بقدوم الغـلا تأتـي
فرحة زماني بشوفـك مـا تخيلهـا

خلاص صبري تعـدى كـل هقواتـي
اتعبت نفسي أعزيهـا وعللها

ابيك تنسى وتدمـح كـل زلاتـي
بعض البشر صعب ما نقـدر نزعلهـا

والحين جيتك بمسح كـل غلطاتـي
دنياي دونـك وربـي ماتحملهـا