حسافة جيت متأخر....!
حسافة جيت متأخر....!
--------------------------------------------------------------------------------
بعد غيبه طويله جاي تحكيلي عن الأشـواق
بعد ما جفف غيابك غصوني وطاحت أوراقي
بعد ما صرت أنا صفحه حزينه بدفتر العشاق
حزينه تحكي عن صمت الدموع وجرح خفاقي
تركت الروح فى غربه وتناهيد وأسى وفراق
وأنا اللى كنت متصور مماتك ليلـة فراقـي
تصدق كنت محتاجك تناديلى وأجى مشتـاق
أجي كلى حزن وأنزف لعينك غربة أحداقـي
وجيت بقمة أحزانـي تبينـا نقلـب الاوراق
تبينا نرجّع الماضي وتشتت صبـرى الباقـي
أنا ما يحتمل صبرى معاتب والضلوع رقـاق
تكّسر لو بسولفلك وحديث يـدور بأعماقـي
دخيلك خلني ساكت بعض كلمات ما تنطـاق
تجي مثل الخناجر فى لسانى وتجرح رياقـى
وبعد هذا الشقا كله تبينى لرجعتـك أشتـاق
حسافه جيت متأخر بعـد ما ماتـت أشواقـي
|