ما عاد اطيقك
ما عاد اطيقك
--------------------------------------------------------------------------------
لاتحسبني يوم أراسلـك أبرضيـك
أقر القصيده زيـن تقـرا المعانـي
ترى القصيده عن لسانـي تحاكيـك
أفهـم كلامـي زيـن يامودمـانـي
ماني بقايل خير وش صار وش فيك
لـو أن حبـك مستـحـلٍ كيـانـي
أرمي غلاك اللي بقلبـي وأخليـك
وأنسى ولا أنسى سوا مـن نسانـي
لابعتني برخيـص مـاوالله أشريـك
لو أن مابه غيـرك أنـت بزمانـي
عهدٍ عليـه لـو يجيبـون طاريـك
ماتتجـه يـم الضلـوع المحـانـي
وعهدٍ عليه لـو تذكـرت ماضيـك
ماني بقابـل دعوتـه لـو دعانـي
وعهدٍ عليه يـوم أشوفـك وألاقيـك
صدفه لقول أحوووول من وين جاني
ماعاد أطيقك عقب ياكثـر ماغليـك
سبحان مـن غيـر غـلاك بثوانـي
|