صح جنت اني احبك جنت احبك موت

وصرتلك شوكه اني بعين عدوانك

صرتلك شمعه اتضوي الك طول الليل

لحد فجر الصباح وشمس لغصانك

لكن للاسف ماجنت اضن تخون

وبيدينك تسد بوجهي بيبانك

ايدك مستحت من سدت البيبان

ولمساتي اعله ايدك بقت نيشانك

مالك قيمه عندي وحته حب ماريد

ولاتذكرني حته بطارف السانك

عرفتك وفتهمتك وكشفت اشبيك

وصرت انته سفينه واني سفانك

دربك مامره بعد لا هيهات

وعلى باب الخيانه اكتبت عنوانك

حذرتك ياكلبي وكلت هذا يخون

شيفيد الندم من بعد ماخانك

عض اصبع ندم ياكلبي حتى اتوب

وفكر من صدك وبحبك الثاني

وعله درب الغدر لا تمشي حته ابطيف

ترى درب الغدر تعبني واذاني

حجولي اشكثر عنه وكلت لا ميخون

كلت هوا الحبيب ويضل للدوم

وبالتالي اطلعت مخدوع بيه اني

عوف الي يخونك ياكلبي وارتاح

وتركهم وراك القاضي والجاني

اتخذت اخر قرار وغيره ابد ماريد

بعد لااحبك انته ولا احب ثاني