ماريدكــ بعد خلينيــ مرتاح
اذا تلوح النجم اكرب الك يهواي
وقلبي لاتجيله وتوصل الحده
يلجفنك ذبح قلبي ودفنته بليل
تريد بكل جساره الميت اتكعده
لاتفتح جرح بلكوه خيطناه
لوينزف بعد مدكلي شيضمده
لوحسبت جرح صدكني هم اتهون
جم طعنه جرح بحشاي متوسده
اتمنيتك مطرواترجه منك فيض
مادري برصاص اغيومك امرعده
لجلك حاربت نفسي وكل الناس
وسيفك الاسف بضلوعي اتغرزه
بابك منفتح للرايح وللجاي و بكل صلافه
بوجهي اتسده
يلحبك رمل ودموعي ضاعن بي
لاتحاول تجي انته البديت بهاي ماي الينجفي
متكلي شيرده ماريدك
بعد خلي القلب يرتاح
مليت العشق والروحه والرده