حرام الي تسويه فيه
جاني كلام إني معك كنت كذاب وإني محملك الشقى والأسيه
وإنّي أبيع الودّ وأبيع الأحباب وش باقي ما قلته حبيبي عليّه
ظالم وأخاف عليك من يوم وحساب ياخي حرام اللي تسوّيه فيّه
أرفع ايديني طالبٍ رب الأرباب وأتذكر العشرة وأنزّل يديّه
شمَّت فينا أغراب وأبعاد وأقراب خلَّيت ذا يحكي وهاذي وذيّه
أهدي لك البسمة وتهديني أنياب ليش الوفا في شرع مثلك خطيّه
الله بلاك بناس تفرش لك أهداب والله بلاني بناس ماهي وفيّه
ياليت عندي شوي من غدر الأصحاب وياليت عندك من وفايا شويّه
|