منتديات رهين الشوق - عرض مشاركة واحدة

2014-10-16, 06:38 PM

دعاك الشوق ياطيف الغلا ولا الجروح اجداد
او انك مالقيت من المواجع غيـر ذا السيـرة
تذكّرني عذابي وانتحى لـك طايـع منقـاد
وتروى من عروقي لين اموت ويالله الخيـره
طلبتك خلنى ماعاد جرحي دمعـة وسهـاد
كبرت وكبرت جروح الغرام وشان تدبيـره
ولانى طفلة تزعل وتضحك للرضـا بعنـاد
يمرجحها الغرور وغرها الوقـت ومقاديـره
سرت فعيونى طعون الفراق وخاطرى ماهاد
بكيت ولا ذبحت البعد والهوجاس والحيـرة
انا ياصاحبي غنيت جرحي لين صوتـي بـاد
اسنّـد لـه طروقـي واتعدانـي محاديـره
وانا اللي داعي الاشواق صافحته عنا وجهاد
ولا حصّلت من وجه الزمـان الا مخاسيـره
تذكرني او انك جيت يا طيف الغـلا نشـاد
وتدرى مانسيته من خطـاه اليـا معاذيـره
سريته لين ماصارت عيوني له مسـا ورقـاد
وصار الليل مسرى خوّته والعهـد والجيـره
أحبه وان ذكرته ضاعت بلاد ونسيت بـلاد
ولادري عن مكاني وين انا والناس والديـره
كتبه الله لعمري جرح ولغيري كتبـه مـراد
وتفارقنا ويامكثـر غـلاه وكثـر تقصيـره

العذبه.. ابعاد التركي