منتديات رهين الشوق - عرض مشاركة واحدة

2014-09-05, 09:19 PM

ما كل مـن قـال القوافـي عدلهـا ولا كل من يسرج له الخيل خيـال

ولا كل من حاش المراجل بذلهـا ولا كل من طب المعارك له افعال

ولا كل من حمـل أمانـه حملهـا ولاكل من لبس ابيض الثوب رجال

ولا كل من يبغـى المعانـي فتلهـا ولا كل من يشرح له العلـم حـلال

اشوف بعض الناس خربـت مللها معاد اميز بين صاحـي ودجـال

خربت مذاهبهـا وكثـرت عللها يظهرلك الطيب على قلب بطـال

دنيـاك مسرعهـا ومسـرع خللها يا سرع ما زالت ولو يومهـا طـال

احرص على دينك والأرحام اصلها لا تشغلك دنيـاك ما ينفـع المـال

وعند الحقيقة كلمـة الحـق قلهـا وبعد عن الهين وعن كل محتـال

وعرف حقوق الضيف لا تجتهلهـا قدم له الميسـور يا طيـب الفـال

المرجلـه ما كـل واحـد وصلهـا والطيب له مبداء ومنهج ومنهـال

اترك عيوب الناس واترك خملها وحذر يجي عرضك فريسة للانذل