سلام الله
سـلام الله على وقـت ٍهقيـت إني نسيتـه يـوم
حسبـت إن الزمن يصفـح وأنسـى كل زلآتـه
حسبت الليِل ينصفنـي وآخـذ مـن سواده نـوم
أكحِـل بــه هــدب جفــن ٍسهـر ليلـه ولابـاتــه
ليا منَه لفاني الليل وشفت الجفن به مرسـوم
تنهــد صـدري الضيقـة وخــط الشـاعر أبياتـه
أحاول أجمع شتاتي وأنزع من حشاي سهوم
قديمـة جـرح في قلبي وأبطـت حـول طعنـاتــه
يقولون الصبـر يبـري ولكن جرحـي المكتـوم
نزف دمَـه وأنـا أشوفـه بصدري كاتـم آهـاتـه
ألآياصبري المبطيء بصدري وش يفيد اللُوم
نزفنـي العمر ويش باقي كبيـرة جتني صـداته
أنا ياصاحـبي نفسي عزيزة ومن قروم القـوم
على وضح النقى وصلي وأجنِب درب سيَاتـه
ولآني بالذي يرضيه مصافح كف وحب خشوم
وكلمة آسـف إسمح لي محد معصـوم غلطاته
خطاك أكبر ويكفيني بياض الوجـة طيب سلوم
بقــت لـي منـك من وقتــك وقلـبٍ بيـض نيـاتـه
في أمان الله ياجرحي عسى الليلة تخف غيوم
وأنسى كثر ماينسـى صبـاحــك ضــي نجمـاتـه
أنا طالبـــك لا تنشـد عيــوني كــودهـا بـتـنــوم
ويـش اللي مسهـر عيـوني إلا كُبــُـر صــداتـه
|