رد: بيت أل رهين
تدرى وش اللى يتعب البنت ياخوى !!!؟
رجل يخون اشوقها والموده
اللي احتاج الغلا صار نمرود
ولياً شبع مماعطاه واسترده
البنت ريحانه غلا ناعمة عود
تبي لها رجل ورث طيب جده
رجل فعوله كلها جود في جود
ما يلتفت للي كفوفه تمده
رجل الاجته الليالي بمنقود
يتكى لها مابيح الوقت سده
مهوب خبل مارعى للهوى عهود
وأدناه ما عارض طريقه يرده
ولاهوب لاعله ولاهوب ملهود
لاشكوك وكل طارى يحده
مااشين من الرجال لاجاك ببرود
وان قال له ترف القدم شيء صده
تبي لها براق طيب له رعود
أن أجدبت يمطر على ريف خده
وان نادته تكفى لقت عنده الفود
يشيل عزتها على قو زنده
كفه نفل وأنفاس وصدره لها عود
وظلاله الضافي بيدها تمده
البنت خد وقد ونواظر سود
وريحه غلا ياسعد من شم نده
البنت لاضحكت ثمرها لك ورد
ياخوى من يقطف نواوير ورده
واللى يهين البنت ناقص ومقرود
فرس غلا ماهى حماره مكده
|