منتديات رهين الشوق - عرض مشاركة واحدة

2014-08-09, 08:10 PM

آآه يا كبر القهر لا صار ما باليد حيله والجروح من القــرايب والخطا مني وفيني

ان نويت اشفي غليلي ما لقيت اية وسـيله كيف ابلقى دام جرحي سبته طعنه يميني

وان نوت تبكي عيوني صارت الدمعة بخيله كبرها لامن تجمــع هم قلبي وهم عيني

ياهمـــوماً بي تعدت حدهـا صارت ثقيلــه اخذ مني كم ســؤال ولو سمــحت جاوبني

ليه من بعد الوفـا والطيـب وفعولاً جليله من يدين اللي حشمته اول طعـوني تجيني

وليه لاضاق الفضــا في عيــن من خانه دخيله مالقيت الا المــلامه انتهيها وتبديني

ياهمومي ياجـروحي يا صدى الروح العليله والله ان الـظلم قهره قيّد لساني ويديني

يوم قيل ناظر حسودك زاد في قوله وقيله ما طـرالي غير قولت آآخ يا دنيا ارحميني

ان تكلمت وحـــكيت وجبت برهاني ودليله ما تضــرر كود منهو قد لفانــي منتخيني

وان سكـت وقلت هانت هـم وسنيني تزيله اكتشفت ان السنين تزول والهم محتويني

بس لجل اللي انتخى في جد جــدي والقبيله والله اني لأشـرب المر واتحمل ما يجيني

ودام ما بالكون صـدراً ارتمي به واشتكيله ودام مابه عين تقـرى حزني اللي مبتليني

مالي الا بيت شعراً اذكــره في كل ليله لا انتهى جـــدال المعاتــب بين قلبي وبين عيني