رد: بيت أل رهين
الحب كلمه ماتبي زود تعريف
.............شوفي عروق القلب منّه نزيفه
والود أكبر منّه شوي ياطيف
.............بالذات لاصارت مشاعر شريفه
وألا الغلا ماله عن القلب تصريف
................من سبته حالي تراها نحيفه
حبّيت أوصّف حبي اليوم توصيف
............كنّي معزّب يحتري شوف ضيفه
حبه بقلبي مايبي أي تصنيف
.............فالمركز الأول ولا أحدً وصيفه
حبه رفعني عن دروب الملاقيف
............وأن ماعطاني ربع ما جاه كيفه
حب الصراحه مايجي فيه تزييف
............ما هوب حبً قد ظهر فيه زيفه
زينه مع العالم ترا مابعد شيف
............والله يعين أهل القلوب الرهيفه
قالوا:علامك تشطب القاف وتضيف
................قلت:المشاعر كلبوها نظيفه
ما شفتوا اللي عذّب القلب بالصيف
..........الصيف راح ونحتري غير صيفه
يالعنبو لندن وباريس وجنيف
...............القلب باريسه وعيني جنيفه
لندن يالندن ياعذاب المواليف:
.............روفي بحال اللي حياته مخيفه
أهواه أنا وأهواه وأهواه ياطيف
.........وش حيلة الغازي أليا طاح سيفه
|