منتديات رهين الشوق - عرض مشاركة واحدة

2014-06-07, 02:11 PM

أنا بخير ياللي جيت تسأل عساك بخير ..
ولا شي ينقصني سوى شوفة عيونك ..
على حطة إيدك .. مالك الحب والتفكير..
ولا أحب غيرك .. غير منهم يحبونك ..
وصدري لحبك .. مثل صدر السما للطير
تجول بصدري ..دام صدري غدى كونك
على خافقي رافع شعار .. الكبير كبير ..
ولو تجتمع كل البشر .. ما يساوونك ..
أحسك بداخل روحي وبالعروق تسير ..
والله يعلم كأنني صرت مجنونك ..
فديتك .. ترفق بس .. واللي تبيه يصير ..
ولو قلت: جيب الشمس ..بقول : لعيونك ..
بحاول ,, وإذا إني ما قدرت.. العفو يا أمير ..
ترى قدر حبك فوق طاقات مضنونك ..
ولو تعرف اللي لك بقلبي من التقدير
وربي بتحلف إن أهلك .. ما يحبونك ..