تناديني باسم ثاني تحلف زله بلساني
وقلبي يحضنك أكذوبك عماه الحب صدقني
أحس أني غربيه عنك وقلبك هاجر أوطاني
ياخوفي يصدق احساسي وألاقي الحب ضاع مني
أتوه بحيرة أفكاري وأضيع بغربة أحزاني
أدور فلمه لعيونك أناظرها تصد عني
اناديك بشقى همي تروح بعيد وتنساني
واقول بداخلي اصبر يا قلبي لا تلوعني
ولين اقبلت مثل الحلم اقول الله يهواني
واسلي باوهامك اهي بالتالي تخدعني
اشوفك سارح بفكرك بعيد بعالم ثاني
وقلبي حاير بامرك واحساسه يعذبني
انا من كثر ما احبك رسمت الكذبه بالوني
قدرت اكذب على نفسي وخاب بك اليوم ظني
حبيبي انت تحب غيري تفضل روح واجفاني
عرفت اليوم مقداري كفايه لا تعشمني
ولا في داعي تشرحلي وتحلف زله بلساني
خلاص ارحل لها ارجوك لا توقف تطالعني