:♥ ياليتني عن حـب مثلـك ترفعـت :♥:
أسفه أنا في جيتـي لـك تسرعـت
ظنيت ألاقـي فيـك شـي فقدتـه
كنت أحسبك مجروح مثلي تولعـت
جربت فرقى شخص قلبـك وهبتـه
كنت أحسبك من مر جرحك تجرعت
حبيت فيك أحسـاس طفـل لمحتـه
لو قلت آآآه بوسط روحي توجعت
ولو شفت دمعاتك شعوري سكبتـه
ولو تطلب أعيونـي أبـد ماتمنعـت
وأعطيك قلبي لـو بعـد ماطلبتـه
وصلت بك أعلى مكـان وتربعـت
وفي قلب غيري يالغضـي ماوصلتـه
وأصبر على صدك وأشوفك تدلعت
وأعطيك ود ومـا ظنـك حسبتـه
أذهلتني بطباعـك اللـي تطبعـت
حتى قصيدي فيـك أبـد مافهمتـه
لو كان غاياتك حروفي فأنـا بعـت
وأفرح بجرح الشاعر اللـي جرحتـه
وأرجوك من صدك ترانـي تشبعـت
خلك مع اللي عاجبـك أو عجبتـه
يكفي قهر في جيتي لـك تواضعـت
تركت غيرك لجـل عينـك وبعتـه
ياليتني عن حـب مثلـك ترفعـت
ياليت قلبي قبـل أعرفـك دفنتـه
لكن أبي أبعد دامني بـك توهقـت
الله يرحـم حبنـا اللـي ذبحـتـه
أنا شريت الود والحيـن أنـا بعـت
وأنا عطيتـك قلبـي اللـي قهرتـه
في يوم جيتك أطلـب ود وأقنعـت
نفسي بأنك شخص عـادي عرفتـه
كمل حياتك مثل مـا أنـا توقعـت
تبقى أسيـر الماضـي الـي فرضتـه
ولا يحزنك أنـي جبـان وتراجعـت
حولك بدالي ألف شخـص عجبتـه
أما أنا لايمكـن أخضـع ولاطعـت
يحرم علي أعطيـك قلـبٍ خذلتـه
باريحك من شوفتـي يـوم قاطعـت
أسلوبك اللي بـه تجامـل كرهتـه
غلطـان يالمقفـي أنـا ماتتبـعـت
غيـرك يتابـع خطوتـي ماتبعـتـه
ماينحني راسي لـو أنـت تقطعـت
وماهوب أنا مـن لا رميتـه لقطتـه
وأن كان غرك حكي عذالك وطعت
الله يعلـم كيـف قلبـي سكنتـه
اللي ملا قلبـك علـي وتسمعـت
خله يعوض شخص مثلـي خسرتـه
أنـا بمافيـه الكفـايـه تولـعـت
واللي بقى من قلب فينـي حرقتـه
وأن شفتني صدفه بعينـك تطلعـت
ذكرتنـي بإنسـان غالـي فقـدتـه
بأول لقا سلمته أحساسي وضعـت
غلطت حياتي يـوم قلبـي سلبتـه
وأستسمحك فالبعد كاني تراجعـت
ماعاد أبلقـى فيـك شـي فقدتـه
طبعك مثل غيرك وطبعي كما كنـت
أحب شخـص ولا تركتـه تركتـه
اتمنى تعجبكمــ
|