منتديات رهين الشوق - عرض مشاركة واحدة

2012-09-16, 07:23 AM

شعاع شمسي ينولد

مع طلعة الصبح الجديد

وينتحر عند الغروب .

خطوة مسافر من عنا الترحال

خانته الدروب .

وأنتي بعيده ياحبيبه

والمفارق طال.

وأنا على درب إنتظارك

ملّني الترحال .

غريب وكل اوطان الشتات الليله أوطاني
................... حزين وكل درب ٍ في عيوني طافي انواره

كئيب وكل ذكرى داخلي تستنزف احزاني
........................ وحيد وكل ليل يمرّني تجتاحني ناره

انا مـ أخترت اكون بعالمي انسان وحداني
..................... ولكنّ السنين بوجهها المجهول دواره

حبايب وافترقنا والعمر بـ أحلامنا فاني
.................. كذا طبع الحياه احيان حلوه ,,احيان غداره

خذته ورغم هذا سيرته ماتفارق لساني
................ وبقى صدري جفاف من الحنين بغيبة امطاره

سرابي طيفه الراحل مع احلامي ووداني
... ............... الي ذكرى محطات اللقا من عمر مشواره

تخيّلت امسه الأجمل, دفاه, وصوته الحاني
.................. ملامح صورته, نظرة عيونه, باقي أثاره

دموعه/ ابتساماته/ وزوله لا اقبل وجاني
.. .............. .تفاصيله من اول عقد عنده /لآخر اسواره

فديته ما احلى ايامه قبل يرحل ويجفاني
..................... فديت الذكريات وطيشنا من حاره لحاره

هنا طيفه بقى من بعد ماوادع وخلاني
.................... كأن الارض مافيها سوى وجهه وتذكاره

تذكرته وقلت : الله , كيف الحين ينساني
................... بعد سيرة طويله حافله بالعشق واسراره

تخيلي ياقصة العشق القديم
يامنوة الرحال
تخيلي هالكون
من غير ذرة حب
وقلب ٍ عشق له قلب
وشلون وجه الكون
وكيف الحياه تكون !!!.

ل سعود المجلآد