منتديات رهين الشوق - عرض مشاركة واحدة

2012-09-16, 07:22 AM

كل ما هلت دموعي هنت ذكراك وشتمت

السلام عليكم ، صباح الخير

نيتي كانت احبك والوفا كل النوايا
كيف عمرت المحبه في عيوني و انهدمت

كنت اشوفك ف القصايد و ارتحالي و الهدايا
و كنت امشي لك بنيه لين في غدرك صدمت

اذكر اني منذ مبطي ما ضبط حظي معايا
و اذكر اني من تركتك ما شعرت ولا حلمت

و اذكر اني كنت اهابك لا برد جو الزوايا
و التحفت الشك غيره و انت عني ما علمت

ايه واضح في شعورك بس في قلبك خفايا
وليتك موضح خفايا غيبتك يوم التجمت

قالو انك الف غيري تعرف و كلك عطايا
و انا كنت اقول يمكن ، بس ماعمري فهمت !

ليش حبيت المحبه نفسها ما هو لقايا
وانا كنت اظن شوفي غايتك يوم انغرمت

ما قدرت اهديك مره صدتي والا جفايا
لآآجل احسك بس مره من جروحي ما سلمت

يشهد الله في غيابك جرح غاير بالحنايا
كل ما هلت دموعي هنت ذكراك و شتمت

و كل ما احن لوجودك زاد في الفرقا بكايا
و كل ما اتذكر كلامك كنك بجرحي لطمت !

و كل ما قالو علامك فزت لـ اسمك شظايا
ورحت الوم النفس عنوه ليه عن غدرك كتمت !

أمس قبل انام جيـت و شفتـك تنادي هوايا
وجيت برحل لااجل ترفض ! ما رفضت ولا زهمت !

و رحت عنك و انا اتمتم مو كفو حبي ووفايا
و نمت و انا اقول و الله ما اجي لوك ندمت !

لو سبقت خطاي والآ .. تبقى ياخاين ورايا
ظهري الي مستحيل يكون قدامي.. حرمت !

عوض الله صبري الي شفته بذيك المرايا
وجبّر الله كسري الي كل ما حنيت نمت

وجمّل الله فعلي الي جاك في كف الخطايا
كل ما كشرت حولي ، قلت احبك و ابتسمت

ل ربآإب