رد: نبضات رهين الشوق
’,
يامساء الإنكسار الصبح وينه ؟
دلني مشتاق ( أتريّق ) صباح
يا (غريبي ) وين تلقالك مدينه
والفجر ( ماوطوط) بعينك ولاح
ماغفيت إلا على الهم وسنينه
ولاصحيت إلا على صوت الجراح
ومابرحت ارض الهواجيس اللعينه
ولاخذت بالي ثواني الإنشراح
ومانشدت البحر عن هم السفينه
دامها تجري بما يرضي الرياح
من يقول الحظ ( في ايدي أمينه )ا؟
علّمه إن الليالي مو ملاح
علّمه بالباب لاصرصر أنينه
علّمه بالشاب مكسور الجناح
علّمه بالآآآآه والرحله الحزينه
علّمه بالله عن طبع السماح
|