طحت بيده وآتصـدد وآتباهـي بالجمـوح
حايره بالحيل وادري دقـة الخفاق ( مِيـح )
كل ماهدّيت بيتٍ عمّرت عقبـه صـروح
كل ماقوّيـت قلبـي ألمحه – فجأه - يسيـح !
وين أخبي هالمشاعر والمشاعر بي تنـوح
ربكة الأيام تلفت كل مـن هـو مستريـح
خايفه أبعد وينسى خايفه أقـرب .. يـروح
خايفه أجلس ويقسى ..خايفه أوقف واطيح!
خايفه والله اضيع وتنهش ايدينـي جـروح
خايفه أعلن جنوني..خايفه أسكت واصيـح
وين مالدّيت ألقى للذكـا أحلـى شـروح
( كل من جاني يداوي.. طاح باسبابي جريح )
حارت الأيام فيني حارت بهالـروح روح
وامتلى صدر الغمامه ( ياهلي ) باوجاع ريـح