<i>على الهوامش خـط حبـرا بقرطـاس

مجمـل عبـاره صغتهـا بالصحيفـه</i>

<i>عندي تسائل ؟؟؟ صابني منه وسواس؟

عصرا تغيّـر وانتكـس منـه خيّفـه</i>

<i>لاباس ياللـي تحمـل العـرف لابـاس

أغّمض وقول العيـن عنـدي كفيفـه</i>

<i>ليـه التواضـع يعتبرضعـف يانـاس؟

ياللأسـف عنـد العقـول الضعيفـه</i>

<i>خلق رفيـع لصاحـب العلـم نبـراس

اصبح لدى الجهّـال سيمـه سخيفـه</i>

<i>تفكير ساذج منحـرف يوجـع الـراس

مبكي ومضحك شبـه نكتـه طريفـه</i>

<i>مدري غبا؟ مدري جهل؟ مدري احساس

بالنقص ؟ عـذرا للنفـوس الشريفـه</i>

<i>الكبـر خلـق سـيء مافيـه نومـاس

ولافيـه قامـوس سجلّـه يضيـفـه</i>