رد: نبضات رهين الشوق
’,
واقف
على باب الغياب
ومرتب أشياء السفر وجروحي البيضا ثياب
وين أتجه ! ما به طريق هذا السفركله غريق
ودي أرتّبني وأغيب , أنا تعبت الاغتراب
ما كانت مذنب , لكن تحملت العقاب
وأجي اواسيني وانام
ابلا كلام ابلا حزن .. يالاغتراب
مهما توديني بعيد
انا اموت بْهالوطن
فيه الكثير .. فيه اللي خلاني أطير
وأنا غريب .. قبله اعاني للاخير
وقلت أنتظر
وأحضن امانينا وانام .. او أنتظر
وأضحك على نفسي وأقول .. بكره مطر
والفاتنه تجي وتمر
تلعب مع كل زخات المطر
هو كان يعرفها زمان .. وهي تعّرفه
ومن الزمن راحت عيون المترفه
وتوقف هْطول المطر وغابت عمر
,
يا اجمل أشياء الحياة
طلي بعد هذا الغياب
في ناس محتاجه حياة
وأنا أشوفك .. شمس وغيوم وحياة
ردي تعبنا نعيش في ليل ونجوم
وكل يسألني وراك.. متى تقوم .. متى تقوم
مقدر أعيش .. وانتي تزيدين اللي تحبينه عمر
عطيني من وصلك عمر
أنتي تخلين السحاب يمطر احاسيس وشعر
وانتي تخلين الشعر
يعجز على وصفك ويصبح مو شعر
انتي المسا .. أنتي الوطن
وانا وسط زحمة حزن
عايش على حلم الوطن .. يـ أجمل وطن
انتي بشر أنا أشك .. أنا أحسك مو بشر
قولي مطر .. قولي عطر
يمكن أصدق هالكلام .. لكن بشر !
ما أعتقد بأنك مثل باقي البشر
أو عادي أقدر أعتقد
وكل الكلام أصدّقه , ولابد
لكن , تبيني انتظر .. وأصدق أنْ بكره مطر
ما أعتقد
|