منتديات رهين الشوق - عرض مشاركة واحدة

2012-01-09, 03:15 AM

وَجدي وُجود اللي زمَانه لاعَه
يُوم اعتزى فـ أقرب قريبٍ باعَه

أقفَى وهو مِن ضيقتَه و يردّد
يَ ليت ربّي ما كتب ذا السّاعه

عّنز على الله واستَعان وكّبر

و أنحى على بحر الأمل بـ شراعَه

الوَقت غيّر طبع ناسن حَاله
لا شَك مَا يقدر يجس أضلاعَه

أقهَر زمَاني وأبتسم و أكَابر
و أتركْ هُموم القلب بين أضلاعَه

وأشب ضوّي في رمَال الضّيقه
و نَفس الشقاوي َلو هَدت نزّاعه

الصَّمت ما يَروي عَطش لا و الله
و اللي يَبي شَي ياخذه بـ ذراعَه

واللي يبي دَرب المَعالي يتعبْ
لين يتعَدد لابته واسْناعَه

نفسٍ تحبك حِبٍ صَادقٍ لله
و نفسٍ تحبك لنّها طمّاعَه

مَا عاد تَدري مِن يبيك و منهو
عدّك على سُوق الزمَان بضَاعه

علّمته إنْ الصّبر طِب العلهْ
و إن الليالي لَوْ صفَت خداعَه