رد: سـفـيـر مـن دون سـفـارة ...!!
سولفت للظلما عن النور والضيّ
حتى استحت من حاضري ذكرياتي !
مافات مات..!! تناقض احساسي الحيّ
مافات حيّ ..!! ومات ماكان .. آتي !
ياليت تحت اجدار مشاعري فيّ
واسند عليه اليا اتْعَبت امنياتي !
يا حبّي الاول .. ويا آخر الغيّ
من أوّلك لـ آخرك .. رحلة شتاتي
حاتيتك وضيّعت حبك من ايديّ
ومدام حبك ضاع وش عاد احاتي ؟!
خذ ماتبي مني وخل الحزن ليّ
من ليلة الفرقا لـ .. ليلة وفاتي !!
لو الزمن صبر على حلمي شويّ
ماكان قبل شويّ .. فقدت ذاتي !
عشان ما اضيّع حياتي على شيّ
ضيّعت أجمل شي ّ مر بـ حياتي !!
|