للحين / وجهي منكسر في مراياه !
..........للحين / اذكر كيف ضقت وبكيته !

قبل الحنين يجيب دمعي من اقصاه
..........اخذت .. دمعي في يديني وجيته !

جيت المكان اللي شهد يوم فرقاه
..........معي كلام ( يموت بي ماحكيته ) !

كني طفل راجع لحضنه ومربآه !
..........يدوّر .. امّه بين ( حيّه وميته ) !

محروم .. الا من جروحه وذكراه !
..........( فقير ) الا من شموخه وصيته !

من يومها وانا ادوّر على اشباه !
..........ترد لي عمراً قضى , ما ابتديته !

ياكثر مافيني من الضيق وال ( آه )
..........اكثر من الحرمان , لامن طريته !

كثر الحزن اللي سكن في هداياه !
..........كثر الأمل ( لاقلت بأني لقيته ) !

رغم ( السنين ) اللي مضت اتحراه
..........عجزت اقول اني [ كبرت ونسيته ] !

مديتَ لَهَ ، قلبيَ .. وروّحَ وخلاآه !
..........الظاهرَ انهَ : ماعرَفَ وش عطيته !






* ل شآعرهآ : محمدَ آلعآرضيَ ،