مليـت من رسم الكحل لأصبحت روج ومسكره
مليـت زيف المنظره وذيك الوجيـه الزايـفـه
مليـت من ريـح العطـر كل الثيـاب معطره
مليـت من دنيا التـرف مابي حياةٍ تـارفه
أبـي حيـاة البـاديه أبغى قليـبٍ مهـتـره
ودي بقطعـان الغنـم أسـرح ولاني خـايفه
أجمـع جـدايل سـايبه شقـر ماهي مقصـره
أبـدى نهـاري بأوله طـوله نهـاري واقفـه
أشـب نـاري فالفجـر صفـر الـدلال مبهره
بيـن الوجيـه بمجلسـي مافيـه ناقـل سـالفه
أرد مع راعـي الغنـم وأرجـع معاه مصدره
وأجـز مع غزلي وأخيط وأشـدي بيـوتٍ طـارقه
أحـب فرسـان العيـال وأحـب عقـلٍ مكبـره
شيـخ القبيـلـه منـوتـي والخبـل قلبـي عـايـفـه
وين الحيـاة المـاضيـه وين الليـالي المسفـره
ياليتـها ترجـع وأعيـش لو هـي دقـايق خـاطـفـه
بأحطـم اللـي في يدي بأكسـر وجيـه المنظـره
مليـت من دنيـا التـرف مـابـي حـيـاةٍ زايـفـه
قصيده أحببتها وحفظتها منذ زمن
لكن للأسف ماأعرف كاتبتها