ليش حارمني
طول غيابك يانظر عين مغليك .. الجرح زاد وصار فوق احتمالي
تتعبني الفرقا ولانيب ناسيك .. تحرقني أشواقي وسود الليالي
أسهر وروحي بالليالي تناديك .. غالي على قلب شقا فيك غالي
ماتت حروفي منك لو موتها فيك .. بين الشفايف صمت واحرقت حالي
أرجع وخذ قلب العنا بين أياديك .. كن الفضا دون شوفتك خالي
وازرع أمل للشوق في نفس تعطيك .. نفس الوفا يكفيني اللي جرا لي
لاتمتحني بالغياب وتغليك .. مثل القمر قدرك على الناس عالي
|