كنت احسب ان الحب الاول مايروح
ثابت على طـول الدهـر ماينجلـي

لكن بعد ماشفت ابو الوجه الصبوح
غيّرت رايي بالحبيـب الاولـي !!

الاولي ماشفت منـه الا الجـروح
بنيـت منزالـه وهــدّم منـزلـي

والا انت شيّدت المباني والصـروح
وعمّرت قلبٍ كان مهجـور وخلـي

القلب مـن سبتـك ماظنـي ينـوح
ياجعلنـي مابكيـك ياريحـة هلـي

اصبحت لي ياغايتي اكبـر طمـوح
بعدك دمـار وصحبتـك مستقبلـي

كلي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]الذبـوح
مع شامتينـك والجديـل المخملـي

وغمّازتينك لا اضحكت لي يامزوح
تحرق شراييني وتصلانـي صلـي

شاعر ولا عمري خبرت اني شحوح
الشعر بوصافـك يفيـض ويمتلـي

كل ماكتبت الشعر في وصفك وابوح
جاوب على شعري صفير البلبلـي

على النقا مغليك واحـب الوضـوح
سيّر عليـه واتـرك الباقـي علـي

اكذب عليك ان قلتلك ماني شفـوح
في شوفتك يازين : واسمـع مايلـي

ماهو صحيح الحب الاول مايـروح
هذا انت ثاني بس مسحت الاولي !!



وسلامتكم