بيانات اضافيه [ + ]

رقم العضوية : 1015  تاريخ التسجيل :  Mar 2010  أخر زيارة : 2020-05-08 (05:13 AM)  المشاركات : 10,567 [ + ]  التقييم :  1843  الدولهـ  الجنس ~  MMS ~  SMS ~ الـعــيـون الـلي فـرحــت بالـحـــبْ أبكـاهـا الـنـصـيـب ..

لوني المفضل : Darkred

ياناشد(ن) عني ترى ماني بخيـر
من صرخة(ن) بالعمر يسمع صداها

اونس بقلبي مثـل دق المساميـر
من واهج(ن) بالقلب حالي براهـا

هم(ن) يكسر خافي الروح تكسيـر
هم(ن) جرح قلبي وكبـدي كواهـا

هم(ن) خذا عقلي بكثـر التفاكيـر
والروح من همي صعيب(ن) دواها

بالبال اصور فرحة العمر تصويـر
واثر الخيال اللـي بعقلـي بناهـا

صار السعادة والحزن طعمهم غيـر
عندي تساوى مرهـا مـع حلاهـا

وش جابني صوبك ماغير المقادير
ارجوك نفسـي لا تخيـب رجاهـا

مودتك صـارت لقلبـي محاسيـر
ارفق بحال(ن) منك قـرب عزاهـا

ماخفت من يوم(ن) تدور التداويـر
تشهد جروح(ن) منك تاخذ جزاهـا

قبلك ترى مادامـت لسالـم الزيـر
دنيا دنيـه صعـب تلحـق مداهـا

يالله يامعبـود والـي المقـاديـر
ياعالم (ن) سـر العبـاد وخفاهـا

انك تحقـق مطلبـي دون تقصيـر
وتلطف بروح(ن) ماتحقـق مناهـا

روح(ن) شكت ظيم الليالي المعاسير
سـود الليالـي عالـم الله خفاهـا

• فـيـك من جـرحـي مـلامــح ..