امس كنت ابيك تكبر بس والله لودريت
انك اللي عشت لجله مت عندك وسترحت
لودريت ان الزمان يجر رجليني ماعديت
لودريت ان البحور ابلا مواني ماسبحت
كان دربك لي طويل وكل ماشفتك سبحت
قلتلك كبوت حصان وماكبيت الاوجمحت
ليه تسمعني وتمشي اه ليتك مامشيت
واه ليتك من كثر عذاريب الايام انتصحت
ضاعت احلامي وطال الحزن فيني وهتديت
لطريق اللي يوديني الى دمعي ورحت
يالحزن ليتك مثل دمعي تنزل لارقيت
بس اعرفك لومسحت الدمع تبقى ما ان مسحت
كان حلمي في وجود انسان يبكي لابكيت
وصار حلمي في وجود انسان يفرح لافرحت
كنت اشوف الناس مثل كل ماجعت وضميت
مادريت ان الاوادم ناس فوق وناس تحت
اه يول ذكرياتي خذني بحضنك نسيت
لسئلك عن وجه ابوي اللي معه ياماسرحت
خذني بحضنك ابغفي اه مبطي ماغفيت
ون لمحت ادموع عيني سو نفسك مالمحت
خذني بحضنك وبعثر اجروحي ون قضيت
هزلي كتفي وقلي عيب تبكي لوسمحت
اضحك وعلم زماني من انا ومن وين جيت
وطق باب الحزن وصرخ فيني لامني فتحت
ضمني يمك وكمل ضحكتي لامني بكيت
ودي اذكر كيف كانت ضحكتي لامني فرحت