أنا عيوني حرمت غيرك تشوف
والقلب حرم غيرك يحب ثاني
كف الدموع وأبعد الشك والخوف
القلب لك يابعد عمري مواني
دخيــل قلبــك سوبي عاد معروف
لاتذرف دموعــك تبعثر كياني
اضحك انا لضحكك مشتاق ملهوف
يامن غرامك عن زماني خذاني
ويامن بحبه صرت مغرم ومشغوف
لله درك وين حبك رمــــــــــاني
ماقول لك بالروف ماقول بالـروف
أقول زدني من الهوى ماكفاني
أنت الوحيد اللي على القلب مألوف
وانت الذي أسقيه صافي حناني
في وسط قلبي ياغلا ادخل وطوف
انا بحبك ياحبيبي انـــــــــــاني
لاني اعطيت بالهوى عهد وحلوف
واعطيك قلبي فوق عهدي ضماني
اتمنى يعجبكم