عجايب كل هالدنيا عجايب دموع وحزن ومفارق حبايب
موادع وكل خلٍّ جاك
بيجيه وقت ويوادع
موادع وكم خلٍّ قال
بعد فرقاه راجع موادع
/
\
أعـدّ الوقت بحسابي ليالي
وأشوف حساب غيري له ثواني
غريب الوقـت في طبعه يعاند
أبي أطويـه ولكنه طواني
/
\
حبيبي فارق عيوني ولاجه
تقلّب صورتـه فيني مواجع
غريب الوقت يا ليته يطاوع
يمر يمكن يجي منهو موادع
/
\
دموعي تطلب عيوني نهاية
وجرحي ينزف المعنى قصايد
موادع صارت بعمري حكاية
وعمري ماخذ أحزاني عوايد
/
\
حبيبي يقبل وقلبي يهلّي
يمد إيديه يطلبني أجي له
وإلا منّ جيته ودمعي يهلّي
لقيته هاجسٍ ما ينراح له
/
\
عجايب كل هالدنيا عجايب
دموع وحزن ومفارق حبايب
تسلّي خـاطر المحبوب لحظة
ويرجع عاشق الأحلام خايـب
/
\
يروح العاشق المجروح يبــكي
ويشكي وقته في طبعه مخادع
صحيح الحب فـي الدنيا ولكن
يعيب الوقت في حبه مخادع
.
.
.
.:. مـــوادع .:.
|