منتديات رهين الشوق - عرض مشاركة واحدة

2011-05-05, 11:04 PM

صدّيت عنّك ، لأنْهَا ساعتي : حلَّت
ــــــــــــ أروح ، وفي خاطري أبقى | مع عمري |.

والله أحبك .. وعيني منْك . . ماملَّت
ــــــــــــ ومن كثر ما أقابلك خايف ، على قدري !

"أودّعِك"في يَدَي ، وعيوني بك "هلَّت" !
ــــــــــــ أشياء تطري عليّ . . . وأشياء ماتطري

الدمعه [ سيفٍ ] جُبرها الوقت وإنسلَّت
ــــــــــــ أصبر . . وأجْمَع قُواي وينكِسِر صبري

مصدوم منّي ! غريبه ، عيني إبتلَّت !!
ــــــــــــ ويّاك حتى ( دموعي ) مو على خبري

لـ أشْواق ، ماقصّرَت فيني ، ولا خلَّت :
ــــــــــــ القلب يبقى مكانه في [ قفص صدري ]

عنّك ، أصِد بْـ سلام .. ورِجلي إنشلَّت
ــــــــــــ وشلون لا كنت تطعن من ورى ظهري

غلاي لك .. مشكله للحين ما إنحلَّت ،
ــــــــــــ قلبي يحبك و عقلي و روحي و شعري

محبتي لك ، كثير - تزيد ... ما قلَّت
ــــــــــــ وكل ما أشوفك ألاقي بْـ طلّتِك ، عِذري

( وَلْ ) يافراقك ، حياتي شوفها : ولَّت !
ــــــــــــ من غيرك أيّام عمري ماهي من عمري
الشآعر : احمد الصانع