بيانات اضافيه [ + ]

رقم العضوية : 1046  تاريخ التسجيل :  Apr 2010  أخر زيارة : 2013-10-27 (11:37 PM)  المشاركات : 9,258 [ + ]  التقييم :  2335  الدولهـ  الجنس ~  MMS ~  SMS ~ والله ماأدري هو أنا الـ م ت ب ع ث ر ه !! ولا قلبي طبع نبضاته قلق ؟؟

لوني المفضل : Lightcoral

طلّ الـ شتا من شُرفة الـ وقت وأمسيت ,
أجمع حطب : ذكرى , حنين , ومواجع !

حتّى ليا هبّت جروحي : تدفّيييييت ,
وأشعلت حزني دون أيّة تراجع !

بيتك وأنا والـ ضيق :


مَـ بين أحلامي ورغبة أبيك وأمنيات الـ طيش،
وصلت ب لهفتي عندك ولا دقيت لك بابك !


أخاف إن لامست يدّي خشبة يصيح لي ب شويش:
رحل ماعاد يفتحني ترى كله .. من أسبابك !


وأجمّع مابقى مني «ضياعي ، دمعتي مع ليش»؟!
وأقول اللي أخذ وصلك مصيره يتلف أعصابك ،


تعال : الحق قبل طيرك ينتّف مابقى من ريش ،
تعال : انشر دفا صوتك سكينة واعتق غيابك !


تعال: ابذرني بِ يدينك وصال , وضحكة , وتطنيش ،
كِسَت ْوجهي تجاعيد الـ حزن وأسرفت بـ عتابك ..


يحاصرني بَرِدْ بُعْدك وأحسّ بـ داخلي تشويش ..
ضياع , وفلسفة ضيقة , وصمْتٍ ملّ يغتابك !


تصدّق صاح لي بيتك: أردد إيش والا إيش؟!
غبار الـ فقْد يخنقني مُصيبة هَجْر أحبابك ،

رحلت وماشكرتك :


انتظرتك بين دقّات الـ ثواني ,
لين مرّ الوقت كلّه واحتضرتك !


كنت اداري لهفتي فيك ب أغاني ,
حتّى ملّت مني وبلحظة : عبرتك !


في عيونك شفت طيف إنسان ثاني ..
في جبينك كان يَكتبه .. ونثرتك !


بحرك اللي فوق شِطّآنك رماني ,
موجه الغدّار خَذْني ثم خسرتك !


شوف كم مرة شريتك يا أناني !
شوف كم مرة تخلّيت وعذرتك !


للضياع أرخيت حبلي والأماني ..
ماحسبت حساب كم لحظه سهرتك ؟!


كم أحبّك ماتت ب طارف لساني !
كم أبيك تلبّست عيني وصبرتك !


كلّ حاجة مرّت ف بالي : تعاني ,
صوتك الـ محبوس فيني به ذكرتك !


ماجمعتك لـ أجل أجبر بك كياني ..
كنت أجمّع مابقى مِنْك : وقبرتك !


يـ الأمان اللي نكرني في زماني ..
العذر منّك رحلت وماشكرتك !

آلَرَآئَعَه/رَزَآن آلَعتَيِبِي