|
رواية لاجلك ياعيوني اموت / للكاتبة بنوته شايشه حيل
هاي
الروايه هذي حاصله بالشرقيه وأهم شخصيتين في الروايه هم: *سمر وعمر*
روايتي تتكلم عن فتاة اسمها سمر وعمرها 19 سنه تحب الوناسه وتبني احلام مستقبليه وطموحه وتحب الدراسه بس تكره الاختبارات وعمر اخو صديقه سمر رنيم وعمره 28سنه
الجزء الاول
*
*
*
*
*
*
*
*
*
*
*
ديم:سمر بسرعة لا يروح السواق>>> ديم هي اكبر بنات ابو حسام وعمرها 25 سنه وسمر اختها اللي اصغر منها
سمر:طيب لحظه مالقيت جزمتي
ديم:بكيفك انا رحت باي
سمر:لاخلاص جيت(معقده وجهها)مو كافي انك ما خليتيني اتصل بصاحباتي
ديم:والله ماعندنا وقت .... سوري سموره مره ثانيه انا مستعجله
سمر:اوكي بس اذا كلموني بعزمهم
ديم:اوكي بس بسرعه اركبي
ركبوا السيارة وديم قالت للسايق
ديم:نور>>>(نور اسم سواق ابو حسام )يالله روح لم السوق
نور: أي سوق مدام ديم؟؟؟
ديم:ماغيره ... هذا كل يوم انا روح فيه سوا سوا مدام انوار>>> انوار صديقة ديم ووعمرها 25 سنه
نور: ايوا مدام انا خلاص في معلوم
ديم: انا في معلوم انا في معلوم( تتطنز بالسايق)
نور: في كلام انا مدام
ديم:لا بس يالله عجل علينا ترا تأخرنا
نور:طيب مدام
ديم: يا حبك للهذر والكلام الزايد
كل هذا وسمر قاعده ومعها جوالها قاعدة تسمع اغنيه راشد الماجد >>> هلي لاتحرموني منه <<< هي تحب كل اغاني راشد الماجد الا اغنيه ما تطيقها حيييل وهي >>> اجيك يسلم راسك<<< احس فيه احد بيذبحني في هذي اللحظه هههههه
ديم:ااااف منا السايق ومنا انتي بعد
سمربكل برود: تكلميني
ديم: لا قاعدة اكلم نور
سمر:ايه اشواا
نور: يالله مدام وصلنا
ديم: يالله وتعال لما اعطيك اتصال اوكي
نور:اوكي مدام
.................................................. ..
انوار يالله يمه تبين شيء؟؟؟
ام عمر اللي هي ام انوار بس يسمونها كذا عشان اكبر اولادها اسمه عمر:وين بتروحين؟؟؟
انوار:بروح لسوق.........( وناظرت بساعتها) يوه يمه تأخرت يالله باي
ام عمر:مع السلامه الله يحفظك ان شاء الله
انوار معصبه: الو دوبي يالله شغل السيارة بسرعه>>>دوبي هذا سايق ابوعمر
دوبي: اوكي مدام
انوار ركبت السيارة وكلمت السايق
انوار:دوبي يالله بسرعه رح لسوق.......
دوبي: اوكي مدام
.................................................. ..
(طاخ...طيخ..طوخ) طق وطراخ وصياح يطلع من بيت ابو عاصم بين فهد وعبد العزيز>>> ابو عاصم يكون اخو ابو حسام وفهد اصغر عياله وعمره 5 سنوات وعبد العزيز عمره 5 سنوات يكون ولد نجاة بنت ابو عاصم عمرها 32 سنه
ابوعاصم:خير وش ذا الصجه اللي واصله اخر الشارع ترا فضحتونا عند الجيران
فهد:...............
عبد العزيز:...............
ابو عاصم:عزوز وش صاير جدو؟
عبد العزيز: أ.... ولا شيء بس فهودي ياخذ مني لعبتي وانا قلت له ابي العب بها شوي بس ما رضى
فهد:.................
ابوعاصم: صحيح هذا الكلام يا فهد
فهد:ايوا يابابا بس انا ما كنت اقصد و(قاطعه ابو عاصم)
ابو عاصم: عزوز ضيف عندك لا تأذيه ولا ترا بيروح ولا يجي يلعب معك مره ثانيه
فهد: انا اسف بابا
ابو عاصم: اعتذر لعزوزاول
واعتذر له وحبوا راس جدهم وتأسفوا منه وودعوه
لانه بيروح لشغله ويوم جاء بيروح قابلته بنته عهود>>> عهود
عهود:دادي>>>عهود عمرها 25 سنه
ابوعاصم:هلا بعهوده هلا بحبيبة ابوها وش بغيتي يبه..؟؟
عهود:سلامتك دادي بس...
ابوعاصم:عهوده وش فيك..؟؟
عهود:دادي بدي اروح السوق اليوم
ابوعاصم: طيب روحي واذا تبيني اوصلك عادي بس اليوم مشغول مره روحي مع جافا>>>جافا سايق ابو عاصم
عهود:لا دادي بس ابي فلوس
ابوعاصم:طيب غالي والطلب رخيص(وطلع محفظته الفلوس وعطاها 1000 ريال)واذا بغيتي اكثر خذي من اخوانك عاصم معه بطاقته وهشام توني مطلع له تراهم مايقصرون وياك>>>عاصم اكبر اولاد ابوعاصم وعمر 7
سنه وهشام عمره 21سنه
عهود:يسلم ودادي الله لا يحرمني منك واخواني الله لا يحرمني منهم مايقصرون علي بشيء
ابوعاصم: اللهي حفظكم لبعض يالله مع السلامه
عهود:مع السلامه دادي
عهود دقت على السايق بسرعة وقالت له
عهود:جافا وينك
جافا:انا قريب من البيت
عهود:طيب يالله تعال
جافا: اوكي مدام
وسكروا
عهود:باي مامي
ام عاصم:مع السلامه الله يحفظك يا عهود
وراحت عهود ويوم جت تطلع قابلها اخوها عاصم
عاصم:هاي عهوده
عهود مستعجله:هاي .... باي
عاصم ضحك على صرقعة اخته:هههههه وش فيك سكرانه
عهود ما عطته رد مستعجله
عاصم: يماااااااااااه يمااااااااااااااه
ام عاصم:هلا عاصم
عاصم وهو للحين يضحك:عهود السكرانه وين رايحه..؟؟
ام عاصم:راحت السوق تبي اسويلك شي تاكله..؟؟
عاصم برضو للحين يضحك:هههه لا شكرا
ام عاصم: وراك تضحك الحين
عاصم:هههه ولا شيء ولا شيء هههه
ام عاصم:جنيت انت
عاصم :لا يمه وش جنيت انا بزر بس اضحك على بنتك السكرانه يالله باي و اذا جاء ابوي كلميني اوكي
ام عاصم:طيب مع السلامه
.................................................. ..
انوار:يالله رنيم قومي
رنيم:يوه انوار وش فيك صرتي مصدر ازعاج
انوار:قومي يالله عن المصاخه عاد
رنيم:بليزا نوار خليني اكمل نومتي لا تقطعين الحلم
رنيم تهذري وتغني وهي نايمه:ياحبيبي... ترن ترن...ياعمري...ترن ترن
انوار فطست من الضحك على اختها صج سكرانه
انواروعيونها دمعت من الضحك:رنومه يالسكرانه قومي تراني بروح السوق ويا ديم وسمر
رنيم وفيها النوم الا موتها النوم
رنيم: انوار روحي عاد خلاص انا مو جايه وياك
انوار:بكيفك باي (تحاول تغريها بس ماكوفايده)
رنيم:سكري الليت وياك
انوار استسلمت ماكو فايدة اختها لا نامت معد تقوم لو يفجرون البيت كله
.................................................. ..
عهود ركبت السيارة وكلمت السايق
عهود:جافا رح لسوق.......
جافا:اوكي مدام
عهود محتارة تتصل على ديم ولالا خايفه انها نايمه وتزعجها بس بعدين اتصلت
عهود:الو
ديم:هلا وغلا هلا بعهوده
عهود:اف اشوا
ديم: وش فيك
عهود:احسبك نايمه
ديم:لا والله منيب ناي مكيفك عهود..؟؟
عهود:تماااااااااام وانتي
ديم: تمام مدام اني في السوق هههههه(عز الله بنت)
عهود:والله أي سوق
ديم: سوق ........
عهود:طيب انا جايه
ديم:ياالله انتظرك انا ونوارة بالطريق
عهود:انوار معك بعد
ديم: ايه وسمر
عهود: الله على الاغراء اوكي انا جايه باي
ديم:باي
عهود: جافا رح لسوق.......
جافا:اوكي مدام
.................................................. .
هاجر كانت محتاره تتصل ولا ماتتصل........وفي الاخير قررت انها تتصل عليها>>> هاجر صديقت سمر عمرها19
هاجر:الو
سمر هلا وغلا ... كيفك جوجو
هاجر:.............
سمر: افا وش فيك
هاجر:سمر وينك فيه...معليش تطلعين معي ملاااااااااانه
سمر: ا.... انا الحين في السوق
هاجر: يالخاينه ولا تقولين لي
سمر:والله كنت ناويه اتصل عليك انتي ورنيم بس ديم بغت تخليني انا
هاجر:هههههه والله انها حركتات
سمر:ههههه يالله بس تعالي للسوق
هاجر:اوكي بس أي سوق..؟؟
سمر:سوق........
هاجر:اوكي جايتك مسافة الطريق
سمر:اوكي باي
هاجر:باي
سكروا كلهم
هاجر:مامي
ام ابراهيم:هلا يمه
هاجر:بروح السوق مع صاحبتي
ام ابراهيم:خلا...(قاطعها جواد)
جواد:بروحكم..؟؟
هاجر:لا معنا ديم وانوار ورنيم وسمرو...وانا
جواد:وش عمر اكبر وحده فيكم
هاجر:مثلك= كبرك
ام ابراهيم:خلاص يمه روحي تبين فلوس
هاجر: ايوا مامي
جواد :كم تبين
هاجر:500 بس لاني بروح اتمشى اذا اعجبني شيء شريته
عطاها المبلغ واتصلت على السايق يجهز السياره
.................................................. ..
ديم : ياربي وينها هذي
سمر:اتصلي عليها وعلى فكرة انا عزمت هجورة
ديم:اوكي بتصل عليها
ديم طلعت موبايلها عشان تتصل بانوار
سمر: ديم لحظه مو كان هذيك هي نواره(هذا اسم انوار السريع عند صاحباتهاواهلها)
ديم:ايوا هذي هي
انوار:هاي سوري تأخرت عليكم
ديم:................
سمر:..............
انوار:وش فيكم سكتوا يالله بسرعة لا تعطلونا
ديم: ياسلام الحين احنا الحين اللي عطلناك
انوار: اااااااااااف حر التكييف عندهم ضعيف
ديم:عاش مصرف
سمر:ههههههه
ديم: يالله ندخل أي محل؟
انوار:هذا روعه
سمر:برب بروح اشرب لي شيء من الكفي شوب انا ما احب هذا المحل بعدين بلحقكم
ديم:بروحك..؟؟
سمر: لا هجورة بتجي الحين.......نوارة رنيم ليش ما جبتيها وياك
انوار:والله نايمه متأخر وللحين ماصحت
سمر:طيب ليش ما صحيتيها..؟؟
انوار:والله حاولت وياها ما كو نفع لو نفجر البيت كله تمت نايمه
سمر:حساف والله
ديم:ايه والله بس هاجر الحين بتجي يعني كانها رنيم
سمر:بس الفريق كله لازم يجتمع
انوار:عشان تحوسون السوق هاه
سمر:اوكي يالله باي تبون شيء..؟؟
ديم: لا... باي
.................................................. ..
في بيت ابو عاصم
ساره كانت جالسه مع لمياء يطالعون الدش>>>ساره بنت نجاة وعمرها10سنوات ولمياءخالتها وعمرها 14 سنه
سارة:خالتو...
لمياءوالطفش ماليها:هـ..ـلا
سارة:ملانه
لمياء:ايوا ملااااااااااااااااانه حيييييل
سارة:طيب نجلس كذا
لمياء:عندك حل..؟؟
سارة:ايوا
لمياء:هاتيه
سارة:نروح نجيب بالونات ونعبيها مويه ونكبها على فهودي(سارة كانت تستهبل بس لمياء صدقت)
لمياء:والله انها فكره بس السوني اخاف يخرب
سارة:ماعليك انا ادبرها بس انتي عبي البالونات مويه اوكي
لمياء:اوكي
وخلصت لمياء معبيه البالونات وعطت اشاره لساره وغمزت لها ^-*
سارة راحت ورقت الدرج ونزلت بسرعه وسوت نفسها طاحت وجلست تبكي وتنادي:فهاااااد فهاااااااااد الحقني ااااااااااااي
فهد قام بسرعه وشافها طايحه وقال لها: سوسو وش فيك
جاء بيروح لها (مادرى وش المفاجأة اللي تحتريه)لمياء رمت عليه البالونات طبعا بمشاركة صاحبه الفكره سارة جت ام عاصم
ام عاصم: خير وش ذا الصجه..؟؟
لمياء:....................
سمر:.....................
فهد : ماما شوفيهم(وجلس يبكي)جالسين يكبون علي بالونات فيها ماي
ام عاصم:لمياء وش مسويه باخوك
لمياء:...............اأاأ
ام عاصم: خلاص ولا كلمه روحي انتي وسارة برا في الحوش عقاب لكم (وقت العصر لا تخافوا)
سارة ولمياء راحوا ينفذون العقاب بس مستانسين على الاقل طردوا الملل عن نفوسهم
.................................................. ..
سمر وهاجر ماخلوا محل بنات ما دخلوه حتى المحلات الشباب دخلوها
وفي الاخير جلسوا في محل Coffee shop وطلبو لهم قهوة فرنسيه
سمر:خسارة لو رنومه معنا
هاجر: أي والله كان فليناها
سمر:كنت بتصل بها بس نوارة تقول انها نايمه متأخره امس وللحين نايمه يعني مافيه امل ترد
هاجر:اقول وش رايك نروح لهذاك المحل ما دخلناه من بد المحلات كلها
سمر:دقيقه خلصي قهوتك بعدين نروح للي تبين على ايش مستعجله؟
هاجر:هههههه
سمر:وه ملل....الا ماقلتي لي وش اخبار مشعل>>>مشعل هذا ولد عمة هاجر تحبه وتموت فيه ولا تدري يحبها ولا لا..؟؟
هاجر توردت خدودها: وه بس
سمر:قلنا وش اخباره
هاجر:هههههه بخير
سمر: سلميني عليه
هاجرقامت ولحقت سمر وسمر ماقدرت تنحاش فشيله قدام الناس
سمر:حاجر اجلسي لاتفشلينا قدام الناس
هاجر:بس هذي المره بسامحك لاننا في السوق المره الجايه(قاطعتها سمر)
سمر:عارفه خلاص لا تسلميني عليه
هاجر:ومن قال لك اني بسلمك عليه..؟؟
سمر: الاخت بدت تغار
هاجر:اكيييييييييييد
سمر: متى يجي نصيبي خلينا نجرب يستاهل اني اعصب واترك قهوتي ولا لا..؟؟
هاجر:ههههههه راح تشوفين مو بس تنسين قهوتك الا عمرك كله
سمر:ههههههه
هاجر:اقول سمورة
سمر:هلا
هاجر:وش رايك تنامين عندي اليوم
سمر: اوكي خلاص بس بشوف ماما
هاجر: واااااااااااااو وناسه
.................................................. ..
دق جوال انوار
ديم وعهود:مين
انوار:اخوي عمر
وردت عليه
عمر:الو
انوار:هلا وغلا
عمر:انوار وينك..؟؟
انوار:في السوق
عمر:ايه أي سوق
انوار:سوق......
عمر: معك احد
انوار:ايوا معي صاحبتي ديم ومعها اختها وصديقتها
عمر:اهاا طيب يالله تجهزي انا جاي اخذك
انوار:اوكي
وسكروا
ديم:بتروحين
انوار:ايوا
ديم اوكي بتصل بالسايق
عهود:وانا بعد وش يقعدني هنا بروحي
واتصلت ديم على نور
ديم:الوو
نور:ايوا مدام
ديم:يالله تعال
نور:معليش مدام انا مشغول كتيير مره
ديم:يووووه خلاص باي
وسكروا
انوار:تعالي معنا
ديم:اوكي يالله بتصل على سمر
انوار:انتظري عمر يتأخر نقدر ندخل ثلاث محلات على ما يفكر يجي
ديم وعهود:ههههههههههه
عهود:يالله السايق جاء باي
انوار وديم:باي
انوار:كان ودي تجين معنا لبيتنا
عهود:كان تذبح لموي >>>(لموي اهي لمياء) ماما
ديم وانوار:ههههههه
عهود:يالله باي
انوار وديم:بايات
.................................................. ..
سمر وهاجر يتمشون في السوق سمر شافت واحد شبهت عليه بس ماتدري مين
هاجر:سمر
سمر:...............
هاجر:سمر للمره الالف اناديك
سمر:هااه ...هلا
هاجر:وش فيك اللي ماخذ عقلك يتهنى فيه
سمر:هههههه ياالمجنونه وش تقولين .. مشبهه على واحد بس ما ادري
هاجر:منو.. أي واحد
سمر:شوفي مو كان هذا عمر اخو رنيم..؟؟
هاجر التفتت بقوة وعمر انتبه لها
هاجر: الا والله هذا هو
سمر:لاتناظرينه يمكن يشوفك
هاجر:والله الورطه جالس يناظرنا
سمر:احلفي
هاجر:والله
سمر: نحشه
وراحوا لواحد من المحلات وديم تتصل بسمر
سمر:الوو
ديم:هلا يالله سمر بنروح
سمر:بس انا بروح مع هاجر وبنام عندهم
ديم:اهاا...اوكي خبرتي ماما
سمر:لا الحين بخبرها
ديم:بسرعه عشان اذا ما وافقت اتجين مع
سمر:اوكي
ديم: باي
سمر:باي
سمر اتصلت بامها
سمر:الو ماما
ام حسام:هلا يمه بغيتي شيء
سمر:ماما ابي انام عند هجورة اليوم
ام حسام:طيب معك ملابس
سمر:لا خلو السايق يجيبهم لي ببيت هاجر
ام حسام:طيب خلاص
سمر:يسلمو يا احلى ام بالعالم
ام حسام:ههههه يالله باي عندي شغل مهم
سمر:اوكي باي
هاجر: وش قالت
سمر:وافقت
هاجر:وااااااااو سمر بتنام عندنا سمر بتنام عندنا
سمر: بتصل بديم اخبرها (واتصلت فيها وخبرتها)
.................................................. ..
رنيم قامت من النوم وطالعة الساعة وهي تتثاووب
رنيم:واااااااااو الساعة 3:23 العصر وهي للحين نايمه
فتحت موبايلها ولقت مكالمات من سمرقبل لاتعرفف انها نايمه
اتصلت عليها
سمر رن موبايلها وهم كانو متوزين من عمر (حيا هههه)عمر انتبه لصوت الموبايل وطالع البنت اللي تحمله شك في انها سمر هو يعرف ملامحها بالعبايه لين جاء ياخذ رنيم بس وين رنيم مو معهم (توه جاي من الشغل مايدري ان رنيم كانت في سابع نومه)
سمر:هاجر رنيم متصله
هاجر:طيب ردي عليها
سمر:الو
رنيم:هلا والله سمر كيفك
سمر:تمام ياالنوامه يالعجوز
رنيم:ههههه
سمر:ليش ماجيتي للسوق..؟؟
رنيم: أي سوق محد خبرني
سمر:نوارة تقول انها قومتك وقالت لك بس انتي رفضتي
رنيم:متى والله ماقت شيء ولا دريت عن شيء
سمر: فاتتك الطلعة
رنيم:خيرها بغيره بس حاسفه كان ودي اكون معاك بس والله كنت دايخه حيييل ...انتي بروحك الحين..؟؟
سمر:نو وي خمني مين معي
رنيم:ديم
سمر: لا ديم وانوار يتمشون بروحهم
رنيم:..........ام مين اجل
سمر:فكري
رنيم:ام ايوا لقيتها هجوره صح
سمر:ايوا صح عليك استلمي جائزتك
رنيم وهاجر:هههههههه
عمر قعد يضحك على خبال سمر صج وسيعة صدر يحليلها
سمردمعت عيونها من الضحك بس تحس بحزن لان رنيم مو معهم:رنومه يالسخيفة ليش ما جتي معنا كله ويا هالنوم
رنيم: والله اني مانمت امس ورقدت الساعه 10 يقالك باخذ قيلوله وطولتها للعصر هيئ هيئ
سمر:لا والله احلفي من اليوم ورايح نوم متأخر مافيه
رنيم: حتى بالاجازه ما اتهنى
سمر:تتهنين على حسابي وما تطلعين معي مو عدل كذا
رنيم:وش اسوي مو بكيفي
سمر: وش استفدتي من النوم
رنيم:1)الراحه 2)طالعت فلم روعة (تقصد الحلم)
سمر:في نوم بالليل ونفس المواصفات راحه وافلام على كيف كيفك وفيه فائدة بعد ما يملكها النوم بالنهار وعي انك ماتتخلين عن صديقاتك...من اليوم ورايح تنامين مبكر زين
رنيم:اوكي غالي والطلب رخيص اليوم بنام من المغرب
سمر وهاجر:هههههههه
سمر:يالله باي اشوفك بكره اوكي
رنيم:اوكي باي
*
*
*
*
*
*
*
*
انتهى البارت الاول من الجزء الاول
ان شاء اللهما اتأخر عليكم في البارت الثاني*-^
دمتم بخير :*.بنوته شايشه حيل
هذا البارت الاول
|