قول وجاوبني ياغلا الروح
قلب ذاب بهواك كيف ينساك
بنيّت لك فيه من الغلا صروح
وثبت فيه ساس خلدت ذكراك
يزورني طيفك واتذكر كل المزوح
اشعل بالقلب لهيب الشوق من غلاك
روحي علقته بروحك وينما تروح
لاتعذبه معك لاصارت رهينة هواك
اغليت جرحك لو الدمع منه مسفوح
فرحة القلب ومطلبه صار رضاك
اعدي الغلط منك واقول مسموح
يابعد قلبي كل المحبه اعطاك
وصار من طاري الفراق ينوح
عهد على النفس كتبته ماانساك
دام بحبك ينبض القلب وفيني الروح