ماني بسائل مع منهو تخونيني
مانـي بسائـل مـع منهـو تخونيـنـي
بس بسئلك من متى وأنتي تخونيني
قبل أمس كله معي للصبـح سهرانـه
والبارحـة أذكـر ابـرقـد ماتخليـنـي
واليوم أشوفـك معـه يـدك وسـط يـده
وأمــر قـدامـك ولا كـنـك تعرفيـنـي
وشلون! أبفهم تعالـي واشرحـي ليـه
نسيـتـي لا مستحـيـل إنــك نسـيـتـي
مامـداك تنسـيـن يمكـنـك تناسيـتـي
وأنا الـذي كـل ماضاقـت ذكرتينـي
العـام جيتـي ودمعـك مـغـرقٍ جيـبـك
قلتي: أخذني على صـدرك وغطينـي
ماكنـت أخذلـك اليـا منـك طلبتيـنـي
وأنا قبل ما أطلبك وإنتـي خذلتينـي
في عز ماحتجت لك في ضيقة الدنيا
جيتـك أبـي فزعتـك لكـن طعنتيـنـي
للحيـن أكـذب انـا مـاصـار قـدامـي
مـانـي بـقـادر أصــدق لا تلومـيـنـي
حتى الشعروالقصيد اللي على خبرك
أحـس عقبـك أبــد مـاعـاد يعنيـنـي
كتبـت فيـك الوفـا والصـدق والطيبـة
قصايـدٍ للأسـف بتطـيـح مــن عيـنـي
(من غدرالأيام جيتك كارهن نفسـي)
أول قصيـدة بـعـد منـتـي عرفتيـنـي
(ومحتاجلك حيل والله يقطع الحاجة)
آخـر قصيـدة بعـد منـتـي تركتيـنـي
عرفتي الفرق بيـن الشعـر والشاعـر
بس ماعرفتي وش اللي مرثعٍ فيني
إحساسي اللي ذبحني وراح يذبحني
واللي يبي يقلب الدنيا علـى سنينـي
الناس تسمع قصيـدي فيـك وتصفـق
وأنـا أتـذكـر يــوم إنــك تخونيـنـي
|