تعاندني واكابرهـا واصّـور حلمهـا تذكـار
ونص الكون مايبلغ مداه وعرضـه وطولـه

أنا من يوم حبيتك وأنا كلـي شقـا وامـرار
تمنيتك وسم خالد وكـل العشـق وفصولـه

تخيلتك مثل شوفي واضمك في عيوني نـار
وتصورتك مثل عمري ونفسي عنك مسئولـه

أنا قلبي لخلانه هـو اللـي بالغـلا يختـار
ومن يدري عن أسراره حبيبي وانت مرسوله

أبيك وماأبي غيرك ولا قبلك وبعـدك صـار
حبيبي صوّر الفرقـا قصايـد روح مقتولـه

أبيك أول أمل يشعل حنيني لآخـر المشـوار
أبيك أهون وابيك أصعب خيال وحرف ماطوله

أبيك أنت وانا مهما يكـون الريـح والتيـار
على عكس الغلا نصبح قيود الوضع وحلوله

أبيك الشك والغيره وانا مثلك عليـك آغـار
أبيك وما أبيـك الا تكـون الغيـم وهطوله