أعربي كل الجمل كل المعاني
أعربي جملة ( غدر خل وخيانه)
وأعربي معها بعد لعنة زماني
يلعنه قلبك معاد ابغى حنانه
روحي لغيري وحطيه بمكاني
دام غيري ماخذٍ قلبك رهانه
أعربي له واضحكي قلبك نساني
يوم مات الحب بيدينك لعانه
تذكرين أول لقانا والاماني
يوم قلتي لاتخليني أمانه
رددي بالسان حالك والأغاني
خاينه ماعاد لك عندي مكانه
شوفي أبكي مانسيت اللي رماني
لكن ارمي من رمى قلبي وهانه
وبالنهايه أعربي كل المعاني
وأعربي لي (خاينة قلب وأمانه)