رد: ثَرثرَه , عَلىآ رَصِيفَ ( الآنتِظآرَ ) ~
حل وجه الليل وأقفى والسهر مااقفـى معـه
والمكان يعيد نفسه في شروق وفي غـروب
كني إلا قارب فـي بحـر ضيـع مشرعـه
وين ألقي دام قلبي ماعرف طعـم الهـروب
إستلـذ الحـزن قلبـي واستبـده واشلـعـه
والمكان أبعد مساري عن مساهيل الـدروب
لي وجود في ذهول الصمـت منهـو يقنعـه
ولي خيال في حقيقـة واقعـي عيـا يتـوب
الحشا عـود نزيفـه مـن طـروق تنزعـه
والمسا دوزن مواويله علـى ليـل طـروب
اه مـن بـرد النمـاص واه ليلـه مشنعـه
له شعف صدريد مدري كم سرق له من قلوب
في مطله جالـس والصمـت كنـه يفزعـه
وكنه إلا يحتريني واعتـرف لـه بالذنـوب
يا ذنوبك في حشا كـم مـل همـه تسمعـه
ويا سكونك لنفجر في خاطري طرق الحروب
يستفيق الضيـم كنـه لـك يوالـف مسمعـه
والمدارى في كياني اتلـف عـروق تـذوب
كنت اقولب في يميني سبحة مشـرى سعـه
والغبينه قدت المسبـاح فـي كـف لعـوب
ألهمتنـي بالشتـات وكـل درب يجمـعـه
وألهمتني سبحة بأن العمـر فينـا مسحـوب
استثار الصبح من جـال السـراة بمطلعـه
وانتهى بي ذالمكان مفصل اضلاعي جنـوب
ولا بقالي غير ليل قـد سـرا بسـري معـه
والمكان أظن باقي لـه شروقـه والغـروب
|