نصيبك يصيبك وين ماكنت مايخطيك
وكلن عطاه الله نصيبه ومقسومه
ولو تحتمي بالجن والانس ماتحميك
ولايملكو للعبد رزقه ولايومه
ياليت حظي ياطويل الجدايل فيك
وكل القبايل جعلهامنك محرومه
اخبيك عندي لاعيون البشر ترميك
لاينظرك طير السما لاكسر حومه
انا بغير اسمك ياحبيبي وبسميك
اميرالغرام والشهادات مختومه
انفذ مطالبك على خير مايرضيك
ومان لام قلنايالجبال احملي لومه
عشان تعرف من يعزك ومن يغليك
اخلي نجوم الليل وياك معزومه
تهادى تسلم فوق راسك ولاتوذيك
تصفف مع التيجان للشعر منضومه
تكايد بها العدوان ياكبر ضني فيك
يتجرعون القهر كاسات مسمومه
كلام العواذل لا يهدك ولايدنيك
حكو ماحكو الفاظهم غير مفهومه
<****** type="text/**********">doPoem(0)