قصيدة مثل المستحيل لـ مساعد الرشيدي
مثل المستحيل
أخر عباراتي وداع .. و آخر مشاويري رحيل
جيتك و بي لفحة ضما و أقفيت كبدي ناشفه
أصعب كلام أصعب خبر صرخه عقب صمت طويل
مثل الهدوء اللي سبق لحظه هبوب العاصفه
و انتي بمتناول يدي .. تبدين مثل المستحيل
في عشرتك صوت العقل يقتل طموح العاطفه
الحب ماهو كل شي اليا وقف حظٍ بخيل
قلوبنا مثل العسل بس الظروف مصالفه
لا للندم .. لا للعتب . أو شي من هذا القبيل
و انتي ما جا منك خطا حتى تقولي آسفه
من غير استسلمي .. و استلهمي صبرٍ جميل
و لا تسأليني وش جرى مالك بطول السالفه
قولي لهم يا عزوتي ما عابنا موت النخيل
اللي يوافيها الأجل و تموت لكن واقفه
آخر عباراتي وداع .. آخر مشاويري رحيل
جيتك و كبدي ناشفه و أقفيت كبدي ناشفه
|