وش حيلة اللي ظامه الوقت وانظام
واصبح مع الحيين ميت وهو حي
جسمه نحل والهم أصبح له اللزام
وأمسى طريح بالفلا منطوي طي
كنه سجينن قيدوا له بالاحكام
توه شباب وسالكن مسلك الغي
وش بالسعاده مقفيه عنه أعوام
وليا أقبلت لحظاتها تذبل شوي
مدري علام الحظ لاطاح ماقام
مثل الشجر يموت من قلة المي
جسم بليا روح حفنه من أعظام
متشابكه مع بعضها ترسمه حي
خلاص حتى العيش في بحر الاوهام
أصبح علينا مستحيلآ بلا شي
نمشي بها الدنيا تسابقنا الاحلام
تمرنا أطيافها مرت الضي
هاذي حياة اللي من الوقت منظام
يعيش في دنياه مكتوف الأيدي
يبقى اسير الصمت تاطاه الاقدام
مهما أرتفع راسه على الأرض محني
